احمد فراز کا منتخب کلام

29 جولائی
غزل

احمد فراز

جب بھی دل کھول کے روئے ہوں گے

لوگ آرام سے سوئے ہوں گے

بعض اوقات بہ مجبورئ دل

ہم تو کیا آپ بھی روئے ہوں گے

صبح تک دستِ صبا نے کیا کیا

پھول کانٹوں میں پِروئے ہوں گے

جب بھی دل کھول کے روئے ہوں گے

فاعِلاتن فَعِلاتن فَعِلن

1753

29 جولائی
رباعی

احمد فراز

لفظوں میں فسانے ڈھونڈتے ہیں ہم لوگ

لمحوں میں زمانے ڈھونڈتے ہیں ہم لوگ

تُو زہر ہی دے شراب کہہ کر ساقی

جینے کے بہانے ڈھونڈتے ہیں ہم لوگ

لفظوں میں فسانے ڈھونڈتے ہیں ہم لوگ

312

29 جولائی
غزل

احمد فراز

گفتگو اچھی لگی ذوقِ نظر اچھا لگا

مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں

اُس کا ہنس دینا ہمارے حال پر اچھا لگا

ہر طرح کی بے سر و سامانیوں کے باوجود

آج وہ آیا تو مجھ کو اپنا گھر اچھا لگا

گفتگو اچھی لگی ذوقِ نظر اچھا لگا

فاعِلاتن فاعِلاتن فاعِلاتن فاعِلن

2051

29 جولائی
غزل

احمد فراز

ہم کہ منت کشِ صیاد نہیں ہونے کے

وہ جو چاہے بھی تو آزاد نہیں ہونے کے

دیکھ آ کر کبھی ان کو بھی جو تیرے ہاتھوں

ایسے اُجڑے ہیں کہ آباد نہیں ہونے کے

وصفِ مے اور صفتِ یار کے مضموں کے سوا

ناصحا تیرے سخن یاد نہیں ہونے کے

ہم کہ منت کشِ صیاد نہیں ہونے کے

فاعِلاتن فَعِلاتن فَعِلاتن فِعْلن

534

29 جولائی
غزل

احمد فراز

وہ دشمنِ جاں، جان سے پیارا بھی کبھی تھا

اب کس سے کہیں کوئی ہمارا بھی کبھی تھا

اترا ہے رگ و پے میں تو دل کٹ سا گیا ہے

یہ زہرِ جدائی کہ گوارا بھی کبھی تھا

ہر دوست جہاں ابرِ گریزاں کی طرح ہے

یہ شہر کبھی شہر ہمارا بھی کبھی تھا

وہ دشمنِ جاں، جان سے پیارا بھی کبھی تھا

مفعول مفاعیل مفاعیل فَعُولن

1942

29 جولائی
غزل

احمد فراز

وہ تو پتھر پہ بھی گزرے نہ خدا ہونے تک

جو سفر میں نے نہ ہونے سے کیا ہونے تک

زندگی اس سے زیادہ تو نہیں عمر تری

بس کسی دوست کے ملنے سے جدا ہونے تک

ایک اِک سانس مری رہن تھی دِلدار کے پاس

نقدِ جاں بھی نہ رہا قرض ادا ہونے تک

وہ تو پتھر پہ بھی گزرے نہ خدا ہونے تک

فاعِلاتن فَعِلاتن فَعِلاتن فِعْلن

1134

29 جولائی
غزل

احمد فراز

عشق تو ایک کرشمہ ہے فسوں ہے یوں ہے

یوں تو کہنے کو سبھی کہتے ہیں یوں ہے یوں ہے

جیسے کوئی درِ دل پر ہو ستادہ کب سے

ایک سایہ نہ دروں ہے نہ بروں ہے یوں ہے

تم محبت میں کہاں سود و زیاں لے آئے

عشق کا نام خِرد ہے نہ جَنوں ہے یوں ہے

عشق تو ایک کرشمہ ہے فسوں ہے یوں ہے

فاعِلاتن فَعِلاتن فَعِلاتن فِعْلن

1947

29 جولائی
غزل

احمد فراز

نہ انتظار کی لذت نہ آرزو کی تھکن

بجھی ہیں درد کی شمعیں کہ سو گیا ہے بدن

سُلگ رہی ہیں نہ جانے کس آنچ سے آنکھیں

نہ آنسوؤں کی طلب ہے نہ رتجگوں کی جلن

دلِ فریب زدہ دعوتِ نظر پہ نہ جا

یہ آج کے قد و گیسو ہیں کل کہ دار و رسن

نہ انتظار کی لذت نہ آرزو کی تھکن

مفاعِلن فَعِلاتن مفاعِلن فِعْلن

2525

23 دسمبر
نظم

احمد فراز

مرے غنیم نے مجھ کو پیام بھیجا ہے

کہ حلقہ زن ہیں مرے گرد لشکری اس کے

فصیل شہر کے ہر برج ہر منارے پر

کماں بہ دست ستادہ ہیں عسکری اس کے

☆ ☆ ☆

وہ برق لہر بجھا دی گئی ہے جس کی تپش

محاصرہ

مفاعِلن فَعِلاتن مفاعِلن فِعْلن

1175

22 اگست
غزل

احمد فراز

اس نے سکوتِ شب میں بھی اپنا پیام رکھ دیا

ہجر کی رات بام پر ماہِ تمام رکھ دیا

آمدِ دوست کی نوید کوئے وفا میں عام تھی

میں نے بھی اک چراغ سا دل سرِ شام رکھ دیا

شدتِ تشنگی میں بھی غیرتِ مے کشی رہی

اس نے جو پھیر لی نظر میں نے بھی جام رکھ دیا

اس نے سکوتِ شب میں بھی اپنا پیام رکھ دیا

مفتَعِلن مفاعِلن مفتَعِلن مفاعِلن

3130